Offentlege instansar og andre tenesteytarar skal samhandle dersom samarbeid er nødvendig for å gje barnet eit heilskapleg og samordna tenestetilbod.
Gjennom tverrfagleg samhandling får tenestene betre og gjensidig forståing for kvarandre sine oppgåver. Tenestene blir også betre på å koordinere innsats og ansvar, slik at oppfølginga blir meir heilskapleg og samanhengande.
BTI er både ein struktur og ei rutine for samhandling og samordning av tenester.
Strukturar og rutiner er nødvendig for å legge til rette for godt samarbeid i enkeltsaker. Rutiner med verkeområde på tvers av sektorar og verksemder kan bidra til felles forståing og praksis om felles ansvar.
Leiarar har eit særleg hovedansvar for å sikre rutiner som bidreg til godt samarbeid og samhandling.
Gjennom tverrfagleg samhandling får tenestene betre og gjensidig forståing for kvarandre sine oppgåver. Tenestene blir også betre på å koordinera innsats og ansvar, slik at oppfølginga blir meir heilskapleg og samanhengande.
Gjennom tverrfagleg samhandling får tenestene betre og gjensidig forståing og oversikt over kvarandre sine oppgåver og blir betre til å samordna/ koordinera innsats og ansvar slik at oppfølginga blir meir heilskapleg og samanhengande.
Samhandlingsrutinar
- Samhandling med føresette, sjå nivå 0 i BTI-rettleiaren.
- Samhandling med føresette og andre involverte tenester, sjå nivå 2 og nivå 3 i BTI-rettleiaren.
I BTI-rettleiaren finn du samtykkeskjema for deling av informasjon. Her må ein vera medviten kven som er foreldre med foreldreansvar når ein får eit samtykke frå føresette. Me har også ein rettleiar for samtykke.
Sogndal kommune brukar Visma Flyt Samspill stafettlogg som sitt digitale system for oppfølging og evaluering av tiltak kring barn og unge i kommunen. Foreldre/føresette skal alltid få god informasjon om kva ein stafettlogg er, og dei må gje samtykke til å oppretta logg.
Når ein skal samhandla med andre tenester, skal ein kalla inn til eit samarbeidsmøte.
«Laget rundt barnet»
Alle tenester har ulike oppgåver og ansvar inn mot barn, ungdom og familiar.
I Sogndal kommune har vi eit ansvar for å samordne tenestene slik at vi gir eit godt og heilskapleg tilbod når det er behov for det.
Fleire av utfordringane kan ofte ikkje løysast kvar for seg, men krev ein tidleg, samtidig og samordna innsats frå ulike sektorar, forvaltingsnivå, tenester og profesjonar. “Laget rundt barnet” skal sikre at barn og unge får hjelpa dei treng, til rett tid.
Samarbeid og samordning av tenester
Frå 1.august 2022 gjeld dei nye lovendringane i 14 ulike lovverk, om samarbeid, samordning og barnekoordinator. Den nasjonale rettleiaren “Samarbeid om tjenester til barn, unge og deres familier” (2022), forklarar og beskriv lovendringane som er relevante for samarbeid på tvers av tenester.
Samordna tenester handlar om å betre samarbeidet og ikkje minst framdrifta når kommunale basistenester (skule, barnehage, helsestasjon) og hjelpetenester (eks. PPT, barnevern, skulehelseteneste, psykisk helseteneste barn og unge) i fellesskap skal hjelpe barn/ungdom/familie gjennom utfordringar.
Les meir om konkrete rutiner for samhandling på ulike nivå i BTI-rettleiaren under Tilsette / Barn og unge.
Tverrfaglege møtearenaer
I Sogndal kommune er det etablert ulike arena for samarbeid og samhandling internt og på tvers av tenester.
Teamstrukturen skal fremje tidleg innsats, godt samarbeid, samordning av tiltak og er tett knytt opp til nivåa i BTI-rettleiaren.
Ressursteam
I Sogndal kommune skal kvar skule og barnehage ha sitt eige ressursteam.
Oppgåva til teamet er å hjelpe tilsette når dei oppdagar eit barn som treng hjelp og oppfølging. Ressursteamet skal sikre tidleg innsats og tverrfagleg samarbeid (“Laget rundt barnet”).
Faste deltakarar i ressursteam
- Ressursteam er eit team i barnehagen og skule som består av leiing/administrasjon og andre ressurspersonar i barnehage og skule.
- Utvida ressursteam er når helsesjukepleiar og kontaktperson v/ PPT er med i møtet (møteplan på kvar eining).
Ved behov kan ressursteamet i barnehage/skule invitere andre kommunale hjelpetenester til å delta i ressursteam.
Møte i ressursteam vert halde regelmessig på skule og barnehage med ein hyppigheit som samsvarar med størrelsen på eininga.
- Dersom ressursteam/eininga ikkje klarar å løyse utfordringane i samarbeid med føresette, vert saka meldt opp der det er føremålstenleg (eks: PPT, helsetenester, spesialisthelsetenesta, barnevern, koordinerande eining).
- Dersom eininga er usikre på kva som er vegen vidare og har behov for ei tverrfagleg vurdering av hjelpebehovet til barnet/ungdommen, kan ein ta saka til drøfting/konsultasjon i kommunen sitt BTI-team.
Teamet er eit tverrfagleg konsultasjons- og rettleiingsteam som kan nyttast av skule, barnehage og andre kommunale tenester.
Teamet skal bidra til å sikre tidleg og rett hjelp til barn og familiar som treng det.
BTI-teamet er sett saman av fagfolk med ulik fagkompetanse, som skal sjå barnet og familien sitt totale behov.
Barnehage og skuleåret 24/25
Alle saker til BTI-team skal meldast til Kjell (barnehage) og Frode (skule). Møtene blir fyrste tysdag i månaden kl 1200-1500
Om saker ikkje kan vente skal dei prioriterast fortløpande.
Alle saker skal vere drøfta i barnehagen / skulen sitt ressursteam før dei blir meldt til BTI-team
Saker må meldast Kjell (bhg), Frode skule) seinast fredagen før møte.
Fyrste møte er tysdag 3. september 2024.
Spørsmål: ta kontakt med Frode eller Kjell.